2016 Kapitalaren elkarrekin bizitzeko kultura

Dokumentalaren aurkezpena Urduñako gaztetxean

0

doku aurkezpen kortxoenea

2016an ere Dono$tia eta €ultura abordatu

5420112523184_10153729223871001_6861054296887166205_n

Dokumentalaren hurrengo aurkezpenak

karteladoku(1)

Kapitalaren urtean, ongi etorri autogestioa!

CXAaGwSWMAAlyC9.jpg large

 

KAPITALAREN URTEAN…

              ONGI ETORRI AUTOGESTIOA!

 

 

Egutegitik azken orria kentzear dugu (Kristau egutegia, noski). Eta amaitzear den urte honek (ere), ahantzi ezineko efemerideak uzten ditu arrasto. Arrasto bilakatu dute Kortxoenea Gaztetxea (Gros), eta, horma hotzeko eraikin huts ItsasGain Zentru Sozial Okupatua (Aldapeta). Gupidagabe egin dute autogestioa proiektu duten esperientzien aurka. Hala, Aste Nagusi Piratari ere ebatsi nahi izan diote jai eremua; Nautikoko DJ Gunea, alegia. Txantxarreka Gaztetxea (Antigua), berriz, mehatxu pean da. Kortxoeneari elkartasuna adieraztearekin batera, ez baitu agintari politiko berrien kontrol-baldintza gehigarririk onartu.

 

Esperientziak eta etxeak hustu eta eraisten ditu autoritateak, ez baitu autogestioa atsegin. Autogestioak edozein talde soziali ezartzen zaion autoritate oro ezabatzea bait dakar. Eta arrastoak, errautsak, berriro eraikitzen ditu; aberasten jarraitzeko eraiki ere. Autoritateak helburu bakarra du, pentsamendu bakarrean ontzen dena, kultura bakarraren baitan: kapitalaren kulturan irabazia da lehentasuna. Hauxe da Kultura, hitz larritan idatziriko Kultura. Menderatzailea.

 

Xabier Paya DSS2016eko Kultur Programaren Zuzendariak elkarrizketa batean adierazi duenez “gizatalde bat osatzeko, antolatzeko, elkar ulertzeko egon litekezkeen balio, sinismen, portaera eta abar guztiek osatzen dutena litzateke” kultura. Eta hala, kulturaren eremua sozietateko gatazka-gune da. Sozietateetan antolaketa ereduak, balioak, sinesmenak edo portaerak, kasu, etengabeko gatazkan ageri baitira. Feminismoa eta patriarkatua, bi mundu ulerkera eta biziera kontrajarri, gatazka bizian dira. Libreki eratu eta koordinaturiko taldeen baitan jerarkia oro ezabatzearen praktika, autogestioa alegia, eta kapitalismoa sostengatzen duten diziplina instituzioak bateraezinak diren era berean.

 

Eta gatazka horretan, klase menderatzaileek beren kultura hedatzen dute menderakuntza finkatu asmoz. Hondeamakinekin batzuetan; arautuz jarduera oro bestetan; kontrol mekanismo sotilekin gehienetan. Ezartzen zaizkigun diziplina eta salbuespen egoerek ahanztura dute helburu; aniztasuna baliogabetu dezagun ahantzi; ez ditzagun bestelako jakintzak, kulturak alegia, igarri. Baina kultura ez da bat eta bakarra. Kulturak dira. Popularrak batzuk. Sozietateko harremanetan mendekotasun egoeran gaudenon kulturak dira kultura popularrak.

 

Arrastoei segika, bestelako efemerideak aurkituko ditugu. Ospatzekoak asko. 2015ean hogei urte bete ditu Letaman Intxaurrondoko Gaztetxeak, Donostian inoiz denboran gehien iraun duen espazio autogestionatua. Eta beste horrenbeste Ttan Ttakun Donostiako Irrati Euskaldun Libreak. Bata zein bestea, kultura popularren adierazle. Aisia, baina baita egiteko moduak ere, komunikatzekoak, formatzekoak, harremanak garatzekoak. Firestone (Añorga) fabrika berreskuratua ere badugu. Prekarietate egoeren aurrean, bizi eta lan baldintzen duintasun emozional nahiz materialak saiatuz, elkarlaguntza eta elkarrekintza, elkartasuna funtsean oinarri duen kultura popularraren laborategi. Klase menderatuek, kulturaren bitartez, klase bezala birsortu eta menderakuntzari aurre egiten baitiote.

 

Arrasto hauek eta gehiago utzi ditu azkenetan den urteak. Eta esperientzia eta bizipenok balioan jartzeko, aldarrikatzeko, oroimenean lekutzeko aukera(k) zabaldu nahi d(it)ugu. Oroimena, memoria, eraldaketaren osagai behinena baitugu. Halaber, autogestioa, proiektua eta praktika ez ezik, mugimendua dugu; inolaz ere eredu amaitua. Jauzika eta oldarka, gainera datorkigun urtean zehar galderak zorroztu beharko ditugu, erantzun berriak asmatu. Asmatu, baita ere, dagoeneko idatzia eta ondo idatzia dirudien kontakizunaren hasera berriak; irekiak eta irekitzear ditugun arrakaletan ihesaldiak, sartu-irtenak.

 

Ospatu ditzagun elkarrekin urteko borroka eta ahaleginak, garaipenak eta derrotak Izan direnak edo beste batetarako utzi ditugunak…eta ez dira gutxi! Sartu gaitezen kultura popularrek zabaldutako arrakaletatik Europaren eta Kapitalaren urtean! Gozatu Letaman, gozatu harremanak, goza gaitezen elkarri! Eta egin iseka autoritateari!

 

 

 

 

 

URTEZAHAR GAUEN OSPATU HERRI KULTURAK LETAMAN GAZTETXEAN.

 

1:00etan Gaztetxearen irekiera eta Intxaurrondoko Gazte Asanbladaren brindisa.

 

2:00etatik aurrera Karaokea.

 

3:00etan donostialdeako proiektu eta esperientzia autogestionatuen aldeko brindisa/topa. Izan diren, diren eta izango direnen alde!

 

GORA KAPITALIK GABEKO KULTURA! GORA KULTURA POPULARRAK! GORA KORTXOENEA! GORA ITSASGAIN! GORA TXANTXARREKA! GORA LETAMAN! GORA FIRESTONE ETA BESTE GUZTIAK!

 

3:30etatik aurrera musika eta zarata egiteko aukera. Urte berria musika eginez hasi nahi duzula?…hona aukera!

 

Eta gero BASANABASA-rekin dantza eta parranda!

 

Gauean zehar proiekzioak, argazki kolektiboa(k)…

 

Gaueko irabaziak Letaman Gaztetxearen eraberritze lanen eta Kortxoeneako protestetan auziperatutako lagunen epaiketa gastuak laguntzeko erabiliko dira.  

 

 

 

Santo tomas 2015

Kortxoenea gaztetxeak postua jarriko du santo tomas egunean txofre enparantzan, gerturatu eta anima zaitezte bertako taloak probatzera!!!

 

 

santo tomas

 

 

 

Elkartasun kontzertua ZE ESATEK!, LUZ DE PUTAS eta DZrekin

IMG-20151120-WA0007

Kortxoenearen desalojoa dela eta prozedura judizial ezberdinak ditugu zabalik, atxilotu eta identifikatu ugari izan genituelako batetik, eta desalojo ilegalaren aurka empresa eraikitzaileari salaketa jarri geniolako bestetik. Elkartasun kontzertu honetatik eratorritako etekinak gastu hoietara bideratuko ditugu.

BAKARRIK EZIN DA, LAGUNEKIN BAI!

ZE ESATEK!

LUZ DE PUTAS

DZ

Indarkeria matxistaren aurkako emanaldia Txantxarrekan

Urban 13 Kolektiboak Kortxoenean egitekoa zuen “Indarkeria matxistaren aurkako emanaldia” Txantxarrekan egingo du azkenean.

KORTXOENEA BIZIRIK!

untitled

“Nolako gaztetxeak behar eta nahi ditugu?” Info7 irratian

Info7 irratia: Kultura ofiziala vs kultura alternatiboaren arteko talka irudikatu da azken aldian bereziki Kortxoenea eta Donostia 2016 Hiriburutzaren artean. Bi ereduen arteko talka egon badago ala uztargarriak dira? Kultur faktoriaz gain eraldaketarako gune dira gaztetxeak, aurrera begira zer nolako guneak izan beharko lukete? Gaztetxe izena bera aldatu beharko litzateke?

Entzuteko klitatu HEMEN.

 

DURANGOKO AZOKAN SALGAI

karteladoku

Durangoko Azokan salgai izango duzu “KORTXOENEA, IRAUTEA SORTZEA DELAKO” dokumentala Topatu, Argia eta Musikazuzeneanen postuetan, baita Sapuetxen gaztetxean.

Abenduaren 6an berriz, dokumentalaren emanaldi eta aurkezpena izango dugu 13:30etan Irudienean.

 

TRAILERRA:

“Kortxoenea, Irautea sortzea delako” dokumentalaren emanaldia Irungo Lakaxitan

dokumentala_kortxoena

Informazio gehiago:

www.lakaxita.org

Kortxoeneako kideon hitzaldia M-Etxean

CTssCzxWIAA-E2Y

Go to Top