EFEMERIDEAK

Efemerideak gugan zauriak direlako. Hala kantatu zigun Anarik, joan den urteko urrian Kortxoenean eman zuen kontzertuan. Bai, gaurkoan bederen, efemeridea zauriak dira guretzako.
Izan ere, urteurren ilun bat datorkigu gainera. Azaroaren 3an urte bat beteko da eraikuntza enpresaren soldatapeko kaputxadun mertzenarioek Kortxoenea bortizkeriaz hustu eta eraitsi zutenetik.

 

Orain, urtebeteko perspektibarekin argiago ikusi dugu ze paper jokatu zuen Donostiako Udal Gobernuak afera honetan.

 

Udal gobernuak behin eta berriro “pribatuen arteko gatazka” gisa kokatu zuen arazoa. Jasan genuen legez kanpoko desalojoaren inguruan ezer etzekiela esan zuen, baina hara ze kasualitatea! Epaiketako paperak begiratuta, desalojoan Ertzaintzak identifikatu zituen pertsonen artean udaletxeko teknikari bat azaltzen dela ikusi dugu.
Gertatutakoak gertatuta, jakina den moduan Udal Gobernuarekin Zemoria eraikinaren inguruko proposamena lantzen aritu ginen, hitzez alternatibak bilatzeko borondatea adierazi zuten eta. Baina halakoetan gertatu ohi den moduan, hitzak haizeak eraman zituen, azkar batean gainera. Eraikin horri begira argia izan zen Udal Gobernuaren erantzuna, eta Miren Azkarate kultura zinegotziak Irutxuloko Hitzari eskaini zion elkarrizketa batean esandakoak argi laburtzen du:
“Donostiak duen kultur jarduerari mesede egiten dio horrelako proiektu autogestionatu batek. Hori argi esan diegu eurekin izandako bileretan. Zemoria zuten begiz jota, baina eraikin horretarako badaude beste asmo batzuk hezkuntzarekin lotuak, eta hasieratik esan genien lehentasuna izango zutela hezkuntza proiektuek. Momentu honetan lanbide heziketako proiektu bat ari gara lantzen. Beraz, horren arabera ikusi beharko da, izatekotan, zer espazio geratzen den libre”

Iturria: http://irutxulo.hitza.eus/2016/03/04/askotariko-proiektu-txikiek-osatzen-dutekultur-hiriburutzaren-muina/

 

Herritarron memoria kolektiboa ez da ordea zenbait agintarik uste dutena bezain laburra, eta gogoan dugu Alde Zaharreko “Auzoetxe proiektuarekin” gertatu zena.
2014ko maiatzean Alde Zaharrean Bizi auzo elkartearen eskaera bat lantzen ari zen orduko Udal Gobernua, eta Orixe ikastola izandako Campanario kaleko eraikinean Alde Zaharreko Auzoetxea sortzeko elkarrizketetan zebiltzan. Honen aurrean, Eneko Goia buru zuen PNV eta PSOEren aldeko bozkekin Alde Zaharreko auzotarren asmoak zapuztu zituzten.
Eta zein izan zen horretarako baliatu zuten argudioa? Ikus dezagun nola azaldu ziguten afera hau EAJko lagunek beren webgunean bertan:
“El grupo municipal de EAJ-PNV en el Ayuntamiento de Donostia va a registrar una iniciativa para que se ofrezca al Gobierno vasco la posibilidad de ubicar en el edificio de titularidad municipal de la calle Campanario (antigua ikastola Orixe) uno de los nuevos centros de Formación Profesional incluidos en la Agenda Estratégica de FP que el Ejecutivo autónomo se propone poner en marcha en los próximos meses. “Donostia tiene en el edificio de la antigua ikastola Orixe una oportunidad de oro para optar a albergar uno de estos centros de Formación Profesional que van a buscar potenciar uno de los aspectos más importantes de cara al desarrollo económico y social de nuestra sociedad. Tener un centro de estas características en una zona céntrica de Donostia enlaza plenamente con el destino que hasta ahora se le ha dado a este edificio y es una oportunidad que no deberíamos dejar pasar”, subraya el portavoz de EAJ-PNV en el Ayuntamiento de Donostia, Eneko Goia.”

Iturria: http://www.gipuzko.eus/index.php?page=berria&idnot=37967&lang=eusk&lang=esp

 

Kuriosoa da oso, nola herritarrok kudeatzera bideratu daitezken bi espazioren aurrean, Eneko Goiaren EAJ-k argudio berbera erabili zuen bi proiektuak zapuzteko, Lanbide Heziketa eskolaren beharra hain zuzen. Kasualitatea ote?
Argudioak aitzakia bilakatzen direnean agerian geratzen da bakoitzaren borondatea. Eta honek guztiak argi erakutsi digu, argiago akaso zein, izan den eta zein den Donostiako Udal Gobernuaren jarrera. Ba al zenekiten egun Campanario kaleko eraikinak hutsik jarraitzen duela 9 urteren ondoren? Ezin al zuten bertan ezarri FP eskola, Zemoria kaleko eraikinean “Donostiak duen kultur jarduerari mesede egiten dion horrelako proiektu autogestionatu bat” eraiki ahal izateko?
Kultur Hiriburutza. Urte ederra aurtengoa, non Erregea, Javier Solana edo Durao Barroso bezalako pertsonaiak gonbidatu dituzten Donostiara bakea eta elkarbizitzaren izenean. Hori da Eneko Goia eta Miren Azkarateren kultura eredua, Kapitalaren kultura.
Baina agintari ustelen aurrean bizirik jarraitzen dugula aldarrikatuko dugu. Mozal Legea baliatuta ezarri dizkiguten 6 isun jaso ditugu dagoeneko, eta bi lagunek urtebeteko espetxe zigor eskaerari aurre egin behar diote Ategorrietako eserialdi baketsuagatik. Epaiketen gastu ekonomikoei aurre egiteko kontzertu bat antolatu dugu ostiral honetarako Doka kafe antzokian, eta gurekin izango ditugu Sonido Vegetal (Granada), Txemak (Donostia) eta Physis Versus Nomos (Donostia) taldeak, eta gaua amaitzeko DJ Miau (Donostia).
Hondeamakinek ez dute amaiera idazten, Kortxoenea bizirik

 

dokan

2016 Kapitalaren elkarrekin bizitzeko kultura

Jaialdia dokan!!

Dokan jaialdia

Bergarako Kartzela Zaharreko lagunak ETB-n.

Ekimena Zemorian: KAPITAL ASKO, KULTURA GUTXI!

DSS2016EU-k Manteon antolatu diuen #StreettARTar jaialdiaren baitan ekimen bat egin dugu Kortxoenearen aferan horren esanguratsua den Zemoria eraikinean.

 

KAPITAL ASKO, KULTURA GUTXI!

 

ZEMORIA HERRIARENTZAT!

 

zemoria

ZINEMALDI ALTERNATIBOA 6(+2), EZ DITUGU FOKU ETA ARGIAK ITZALI!

«Hartuko nituzke Donostia 2016 Kultur Hiriburutzaren bideoak eta mezuak. Asko egin dituzte eta diru asko gastatu dute ekoizpenean. Bi atzerritar dirudunek elkar ezagutzen dute Parte Zaharrean, pintxoak hartzen dituzte, ilunabar izugarria erakusten dute, eta jarraian, elkarbizitzaren kulturaren mezua, hiritarren energia olatuak… Hori guztia nahastuko nuke aurten gertatu diren beste gauza batzuekin, itsasoan itota hil diren errefuxiatuen irudiekin. Izan ere nola gogoratuko da 2016? Nola jokatu du Europak? Bada, Donostiak hori bera ordezkatzen du»

Irutxuloko Hitzak egin Zinemaldi Alternatiboari buruzko erreportajean Kote Camacho zinemagileak esandakoak dira. Astearteko saioan izan genuen Kote, bere hiru lan aurkezten. Eta bere burutazio edo proposamena ez du haizeak eramanen, Zinemaldi Alternatiboa amaitu bada ere, izan zinema, ezelako emanaldi edo protestaren bitartez, kapitalaren kulturak berekin dakartzan kontraesan, engainu eta ahanzturei itzuli egiten jarraituko dugulako.

Zortzigarrenez ospatu dugu Zinemaldi Alternatiboa, Kortxoenea izan zen kultur sormenerako fabrikaren hondakinekin altxatu lubakietan ospatu ere. Gure eskerrak Donostian oraino asko eta askotarikoak diren espazio herrikoiei, beren ateak parez pare ireki eta beren goxoan jaso gaituztelako. Eskerrak eta estimua, halaber, zortzigarren edizio honetan beren lanak aurkeztu dituzten lagun, mugimendu eta proiektuei. Zuekin egiten gara gu eta elkarrekin egiten ditugu kulturak, ezin bestela.

Argiak eta fokuak itzali, oihalak jaitsi eta gorbatadun babesleak etekina emango dien hurrengo jaialdira alde egiten dutenean, kultura egiten jarraituko dugu. Zuk, nik eta hark, guk, haiek eta besteek. Kultura ez delako inoren monopolio. Kulturak direlako, pluralean. Eta kultura horien froga txiki batekin esaten dugu aurtengoan laster arte. Zinemaldi Alternatiboaren amaierarekin, eta Peru bakarlariaren musika goxoaren aurrez, Txantxarreka Gaztetxean ikusi genituen lanak partekatzen ditugu. Bost lan, Kultura Hiriburua gaitzat hartuta hitzik erabili gabe, ordu gutxi batzuen tartean onduak denak.

 

KULTURAREN HURRENGO BARRIKADAN ELKAR IKUSIKO DUGU!!

 

Urriak 5 ASANBLADA ZABALA

Datorren azaroaren 3an urtebete igaroko da Kortxoenea eraitsi zutenetik. Hori dela eta, egun seinalatu honetan Donostian behar den erantzuna antolatzeko asanblada bat deitu dugu, urriaren 5ean Groseko Auzo Elkartean.

 

Horretarako garrantzitsua deritzogu Donostiako herri eta auzo ezberdinetako jendearekin bildu, eta denok elkarlanean artikulatu ahal izatea erantzun hau, beraz asanbladara gerturatu eta parte hartzeko deia luzatu nahi dizuegu denoi!

 

BAKARRIK EZIN DA, LAGUNEKIN BAI!

ko

 

ZINEMALDI ALTERNATIBOA 6 (+2)

2016zaltHiriak erronka handiustekoa aitortu dio Donostiari 2016 honetan: elkarrekin bizitzea. Eta “elkarrekin bizitzea zuk eta nik bat egitean sortzen dugun espazioa” omen da, ezberdin bizi, pentsatu, ezberdin izanagatik “proiektu komunetan murgiltzea”. Eta elkarrekin bizitzeko tresnatzat aurkeztu digute Kultura deitu duten zera hori.

Hiriak “leku zoragarriak” dira, dudarik ez dugu. Hirian interesak nahastu egiten dira, topikoak hausten dira maiz. Baserritarrek, esaterako, hirian ospatzen dute beren festa nagusia. Hirian ospatzen dira abuztuko udatiarren festak eta “euskaldun kutxukoak” irailean, eta bi ospakizun hauek antolatzen dute uda sasoian festa-egutegia. Irailean ospatzen ditugu Euskal Jaiak, eta baita Zinemaldia. Eta elkar bizitza litzateke festa hauek nork bere erara ospatu ahal izatea; askotariko herritarrak biltzen dituelako baita hiria zoragarria.

Hain da “polita hiria”, bertako “kultura zoragarria” eta gaitz guztiak osatuko dituen miraria…ahaztu egin dugu hiria guda-leku ere badela. Gatazkak sortzen diren eta sortzen dituen eremua. Nahastu bezala, hirian interesak bata besteari gailendu ere egiten zaizkiolako. Elkarrekin bizi ahal izateko lehenengo baldintzaren arabera, bakoitzaren libertatea bestearen libertatea hasten den lekuan amaitzen da. Praktikan, ordea, ahulen libertatea murriztuz zabaldu da boteretsuaren libertatea. Hiriak azalean ditu antagonismoak, ikusi nahi duenarentzat ikusgai zapaldu eta zapaltzaileak. Goikoa eta behekoa. Betiko kontuak…

Zortzigarrena dugu aurtengoa, eta bi edizioz salbu (2006an Parte Zaharrean lehena, eta 2014an Txantxarreka eta Itsasgain espazio autogestionatuetan), Groseko Kortxoenea Gaztetxean ospatu izan dugu Zinemaldi Alternatiboa. Honegatik 6(+2) adiera, iragan urteetan “(+1)” erabili izan da adierazteko lehen edizio hura salbu gainontzekoak Kortxoeneako lagunek antolatu dituztela. Behinola Kortxoenea izandakoa, hondakindegia da orain, hutsa eta hautsa. Ahal eta boterea duenak, goikoak erabakitzen duelako hirian. Besteok men eta onarpen, elkar bizitzaren mesedetan, beti.

Eta elkar bizitzaren izenean, mozal legea baliaturik joan den Maiatzak 1ean Donostiako kaian eginiko ekimenaren ondotik isun bana ezarri diete kolektiboko bost kideri. Gipuzkoa “mozal legerik gabeko lurralde” izendatu duten berberak dira herritarroi mozal legea baliatuz elkarbizitza zer den erakustera beren polizia bidaltzen dutenak.

Aldakorra da izenordaintzat erabiltzen dugun “gu” hori. Ni “gu” askotako partaide naizen era berean zara zu aldi berean “gu” askoren parte, edo “gara”. Gutasun horien bidez heltzen da bat bere horretatik harreman konplexuetara, eta hori bera ahalbideratzen duelako maite dugu errealitate konplexua den hiria. Subjektu kolektiboak eragin ditzake hiriak. Eta subjektuok elkar bizi daitezen beharrezkoa dute elkar ezagutzea, batak bestea eta hangoa aintzat hartzea, aginte bakarraren azpiko ez bihurtzeko.

Kulturak direlako, pluralean, eta ez kultura, ospatuko dugu zortzigarrenez bestelako Zinemaldia. Eta oroituko dugu Kortxoenea, nagusitu denaren omenez borratzen direlako historia liburuetan posibilitate izan zirenak. Memoriarekin jasoko dugu historiak, kulturak eta elkar bizitzak borratu asmo duena. Justizia eta aukera berdintasunik gabe elkar bizitza zapalduarekiko ezaxola estaltzeko iragarkia besterik ez dela ahantzi ez dezagun.

 

Donostia $aldu ta Suntsitu

 

 

EGITARAUA

                                                                                  IRAILAK 19 astelehena 19:00etan.

Nicolas Burlauden La fête est finie  dokumentala + “Kultur hiriburutza eta hiri eredua” solasaldia.

NON: Parte Zaharreko Arrano Beltza elkartea 19:00ak.

2013an Europako Kultur Hiriburu izendatu zuten Marseille (Frantzia). Honek, aurretiaz hiria bizitzen ari zen zenbait eraldaketa urbanistiko eta sozial izugarri azkartzea ekarri zuen. Askotariko bortizkeriak eta hondeamakinek erresistentziak eta kontrakotasunak eragin zituzten. Festak, ordea, herritarren harritasun eta blokeatzea izan zuen ondorio. Eraso ezina eta ezin zalantzan jartzekoa da festa, izaera kasik erlijiosoa hartzen duen bere zentzu kulturalarekin. Ez beste aukerarik egon, festaren parte izan, parte hartu…edo isilik geratu. 

http://www.berria.eus/paperekoa/1845/040/001/2015-12-15/hiriak_lehian_dira_elkarren_aurka.htm

http://lafeteestfinie.primitivi.org/

 

                                                                                     IRAILAK 20 asteartea 19:00etan

Kote Camacho laburmetrail egilearen “La Gran Carrera” (2010), “Elkartea” (2013) eta “Don Miguel” (2014) laburmetraiak + solasaldia Koterekin.

NON: Kaxilda liburu denda (Amara).

Hiru lanek komunean dute gaia: dirua. Proiekzioen ondorengo solasaldian lan hauei buruzko nondik norakoak eta hauk egiteko motibazioak Kultur Hiriburutzarekin duten loturaz hitz egingo digu egileak.

 

 

                                                                                   IRAILAK 21 asteazkena 19:00etan

Iratxe Mediavillaren “Gizon berrien hitzak” dokumentala + solasaldia Iratxerekin.

NON: Firestone lantegi berreskuratuan (Añorga).

Ikus-entzunezko lana da, bi film laburrek osatua (bat euskaraz eta bat gaztelaniaz), eta guztira 7 minutu irauten du film bakoitzak. Berauen bitartez, indarkeria sexistaren, matxismoaren eta menperakuntza maskulinoaren inguruko sentsibilizazioa eragin nahi dugu.

70 gizon bildu ditugu, adin, etnia, kultura, jatorri, lanbide eta hizkuntza desberdinak dituztenak, baina guztiak bizi dira Euskal Herrian. Horietako asko ezagunak dira zein bere arloan: kultura, musika, zinema edo kirola.

Deustu-San Inazioko Modulu Psikosozialasustatu du, Piper Txuriak-en laguntzarekin, eta Bizkaiko Foru Aldundiaren eta Emakundearen finantzaketa jaso du. 

 

 

                                                                                      IRAILAK 22 osteguna 19:00etan

Patxi Egiluzen “Zerrauts ogia” (Eguzki Bideoak) dokumentala + Solasaldia Patxirekin

NON: Letaman Gaztetxea (Intxaurrondo)

Dokumentalak frankismoan egindako lehen grebak aurkezten dizkigu, 1947 eta 1951 bitartekoak, eta bertan uztartzen dira lan protesta horien protagonisten eta horiek ikertu dituzten historialarien testigantzak. Grebak aztertu aurretik diktadurako lehen urteotako bizitza baldintza latzak azaltzen dira, autarkia eta errazionamenduaren garaian.

Ondoren protesta uhin horren eszenatokiak azaltzen dira. Hasteko, 1946an Manresako oihalgintzako greba, eta horren ostean Bizkaiko 1947ko greba orokorra, 1951ko Bartzelonako tranbien greba, eta Iru–eko lehen greba, 1951an.

Horietan guztietan emakumeen protagonismoa oso nabaria da, eta protesten arrazoiak ere agerikoak ziren: diktaduraren askatasun falta eta lan zein bizitza baldintza bidegabeak.

 

                                                                                        IRAILAK 23 ostirala 21:00etan

“Le dernier continent” Notre Dame Des Landeseko ZAD-ari buruzko dokumentala

NON : Uliako Lore Baratzak

ZAD gune sutsua bilakatu da azken hamarkadan, baina aireportu baten kontrako borroka baino askoz gehiago bilakatu da bertan diren ehunka biztanle aktibistentzat. Kapitalismotik kanpoko bizitza eredu baten hazia da, elkartasunean eta auto-kudeaketan. Nola gauzatzen dute bizimodu hori?

https://es.wikipedia.org/wiki/Zone_%C3%80_D%C3%A9fendre

 

                                                                                     IRAILAK 24 larunbata 19:00etan

DSS2016.EU Kultura Hiriburua gaitzat hartuta aurkeztu diren lanen proiekzioa eta PERU kantautorearen musika saioa.

NON: Txantxarreka Gaztetxea (Antiguo).

Donostiako Kultur Hiriburua. Zinemaldi Alternatiboaren aurtengo edizio honetan DSS2016.EU egitasmoak iradokitzen dizuna hitzik gabeko filmaketa baten bidez gurekin konpartitzeko dei egiten dizugu. Lanek ez dute luzera mugarik ez eta bestelako baldintzarik, salbu aipatu bezala, hitzik gabekoak behar dutela izan.

Lanak ostirala 23rako saldutasuntsitu@gmail.com helbidera bidali behar dira, emailez edo pisuak ez badu uzten Wetransfer bidez.

Proiekzioen ostean kantautore eta musikariekin saioa izango dugu

Rukula Kortxoenean

Aingura Kofradiak Aste Nagusian antolatzen duen “Bizifesta” ekimenean Kortxoenean izandako Rukula taldearen kontzertua.

 

“Donostia Saldu eta Suntsitu”-ren deialdia

dss2

San Juan Sua 2016

SAn Juan Sua 2016

BERTA CÁCERESen inguruko hitzaldia Groseko Auzo Elkartean.

IMG-20160510-WA0007

Duela bi hilabete erail zuten tiroz Berta Caceres ekntzaile Hondurastarra. Bere borrokaren inguruko hitzaldia izango dugu Grosen Hugo Hernandez eta Wilmer Javier Fernandezekin maiatzaren 12an.

Informazio gehiago Berta Zuñiga Caceresi (La Esperanza, Honduras, 1990) Berrik egindako elkarrizketa HONETAN.

Manifestazioa!!! Pasai Antxon

13087873_976794782434310_6729200022586280265_n

Go to Top